Demokracia është sistemi shoqëror që ëndërrohet të ndërtohet dhe të praktikohet nga çdo vend në botë në kohët e sotme. Megjithatë rruga drejt demokracisë është e vështirë, pasi në rradhë të parë është e vështirë të përcaktohet ç’është dhe ç’përfaqëson demokracia. “Demokracia është një virtyt publik, jo i vetmi, dhe, marrëdhëniet e demokracisë me virtytet e tjera publike mund të kuptohen vetëm nëse demokracia ndahet qartazi nga karakteristikat e tjera të sistemeve politike”.

Një vend e ndërton demokracinë duke filluar nga zhvillimi i zgjedhjeve të ndershme, konkurruese e shumëpartiake, çka janë edhe premisa të ndërtimit të vetë institucioneve demokrati ke të vendit. Pikërisht për këtë “zgjedhjet, të lira, të hapura dhe të ndershme janë kusht i domosdoshëm, sine qua non i pashmangshëm”

Zgjedhjet e përgjithshme janë një proces periodik, i cili përpiqet të përmirësohet nga njëra periudhë në tjetrën. Me anë të përfaqësuesve të zgjedhur dhe duke ua deleguar atyre pushtetin për hartimin e ligjeve dhe të politikave kryesore të shteti t, populli vendos se si do të qeveriset për një periudhë katër vjeçare. Prandaj është e një rëndësie të veçantë pjesëmarrja në votim e zgjedhësve, pasi vetëm në këtë mënyrë ekziston mundësia për të ushtruar sovraniteti n dhe për të bërë të mundur mbështetjen ndaj politikave të preferuara, të cilat mund përkthehen më pas në projekte konkrete publike dhe shoqërore. Duke u bërë pjesëmarrës të procesit zgjedhor gjithashtu mund të japim mbështetje ndaj forcave politike që preferojmë, por edhe mund të “penalizojmë” ato forca që nuk kanë bërë realitet pritshmëritë tona. Dhe të mos harrojmë, këtë mund ta bëjmë veçse njëherë në katër vjet, në një ditë të vetme, duke hedhur votën.

Ky është vetëm hapi i parë drejt një sistemi shoqëror ku demokracia merr në praktikë të gjitha vlerat e veta. “Për njerëzit në Perëndim, fjala demokraci nënkupton “demokracinë liberale”: pra atë sistem politik që karakterizohet jo vetëm nga zgjedhje të lira e të ndershme, por edhe nga sundimi i ligjit, nga ndarja e pushteteve, si edhe nga mbrojtja e të drejtave themelore të lirisë së shprehjes, të grupimit, të besimit dhe të pronës”. Dhe Shqipëria, si një vend që aspiron t’i bashkohet Perëndimit edhe në organizimin e jetës shoqërore, ka përpara këto sfida që fillojnë pikërisht me organizimin e zgjedhjeve të lira e të ndershme, e më pas me forcimin e institucioneve demokrati ke dhe sundimin e ligjit.

Zgjedhjet e lira e të ndershme të viti t 2009 janë gjithashtu një test për të treguar që shoqëria jonë duhet t’i përkasë pikërisht grupit të këtyre shoqërive që formojnë sot Perëndimin, drejt së cilit po përpiqemi të integrohemi, drejt strukturës së Bashkimit Europian.